.smsBoxContainer-v1{ display: block; text-align: center; } #NewsStory .news_SMSBox { display: inline-block; height: 50px; padding: 0 15px; text-align: center; overflow: hidden; border: 1px solid #c5c5c5; width: auto !important; margin: 10px auto 0; background-color: #efefef; } .article .news_SMSBox { margin-top: 45px; padding: 0 10px; overflow: hidden; } .news_SMSBox > p { color: #cb0000; margin-left: 5px; max-width: 290px; min-width: 50px; font-size: 70% !important; overflow: hidden; margin: 0; height: 50px; line-height: 50px !important; display: inline-block; float:right; } .news_SMSBox > iframe { float: none; width: 275px; display: inline-block; height: 49px; } اشترك لتصلك أهم الأخبار تعلمت ألا أنجرف خلف التيار لأنه ببساطة تيار، ساعة يروح وساعة ييجى، وبالتالى لا يتمتع بثبات تحتى ولا تماسك فوقى، شأنه شأن الظواهر التى تظهر فجأة ويلتف حولها الفارغون وتختفى بنفس ذات الفجأة فينصرفون عنها إلى فجأة أخرى، وهكذا يدور البسطاء فى ساقية عطشانين يا ضنايا لحد يِدلّهم ع السبيل والبير قدامهم ويظنونه «سراب بصرى» والعتب على النظر الذى يرى بطبلة أذنه ولا يبصر بحدقة عينه، العينة اللى هى بينة لا على مسؤولية موسى ولا بحكايات أديب، إنما بالأمر الواقع على الأرض والصورة الحية من الطبيعة والتى فى غنى عن كل هذا الصراخ ردًّا، أو تشيير البوستات صدًّا، أو حشد الآلاف ضدًّا، المسألة لا تعالج بالصوت العالى لأنه حجة الضعيف، ولا بالكعب العالى لأنه أسلوب البليد، ولا بالباب العالى «لأن فوق العالى عاليًا يلاحظ والأعلى فوقهما» إنما بالحكمة التى تغلب المكر لأن الصايع يا محترم عشان ترد عليه لازم تبقى أصيع منه، لما يقولك صوّر يا جدع قصور الخيال فى مراسى والمعمورة والهايكستب، قوله إنك بالمرة وإنت ماشى على الطريق الإقليمى الجديد أبو 400 كيلو متر اللى بيربط سبع محافظات ببعض زى الشرقية والقليوبية والمنوفية والجيزة والفيوم والقاهرة والإسكندرية وبعدما تنزل مباشرة فى أنفاق قناة السويس التى بتربط سينا بالدلتا، هتبقى تصور له المنطقة الاستثمارية بالصف والمجمع الصناعى بمدينة السادات والمدينة الصناعية بمصانعها المتوسطة والصغيرة ومتناهية الصغر بمحافظة البحر الأحمر، والمجمع الصناعى بأسوان ضمن المشروع القومى لإنشاء 13 مجمعًا صناعيًا فيه ييجى 4500 مصنع بمحافظات مصر، وأكد عليه إنك مش هتنسى تاخدله سيلفى مع السبع مصانع العملاقة ببورسعيد وصوامع الغلال بالشرقية ومجمع الأسمدة الفوسفاتية بالوادى الجديد ومصنع الأعلاف للمليون راس ماشية يا حلوف، ومصنع السكر يا ماسخ بالشرقية اللى هيوفر 25% من حجم الاستهلاك ومجمع الرخام يا بارد بوسط سيناء ومدينة الجلود يا جبلّة وأختها للنسيج وسوق حضارى بالزاوية الحمرا وعليه بورصة سلعية على مساحة 57 فدان بمركز بدر، وشوف لو كان زهق من كتر الصور، جدد له الباقة بحبة فيديوهات لايف ليكون فاكر إن الصور فوتوشوب ولا حاجة وسجل له لقطات من مستشفيات إدفو العام بأسوان وبرج البرلس المركزى بكفر الشيخ وبئر العبد المركزى بشمال سيناء وشلاتين المركزى وأبوخليفة بمركز القنطرة والنخيلة المركزى بمرسى مطروح وطنطا وقنا والعريش العام وطب المسنين بالقاهرة، ولو قلبه وجعه من حجم التطوير والتحديث اطلع بيه على مدينة العلمين عشان يطرّى على مراوحه أو طريق الجلالة لاجل ما يحط فى عينه حصوة ملح وحلى له بُقّه من محطات تحلية المياه بتل العقارب وبشره ببشاير الخير اللى قضت على العشوائيات وبنت 3 تجمعات عمرانية بمساحة 6006 أفدنة بمدينة ناصر غرب أسيوط، ده غير حى الأسمرات والعاصمة الإدارية. وإوعى تسيبو جعان لمعلومة لا يِهَبّط منك فى السكة ابعتلوا حوض سمك من مزارعنا بشرق قناة السويس على نخلتين فى العلالى من بين 2.5 مليون نخلة بمزرعة التمور العالمية، وبدل قعدته وسط التراب والمونة خليه ييجى يشمر معانا ويزرع 100 ألف صوبة زراعية أو يفلح فى مزرعة وادى القويح على مساحة 135 فدان عشان يخدم أهالى المناطق النائية، وإذا عطل أو هَنّج منك إملاه بسرسوب من معمل التكرير العملاق اللى هيغرق السوق من الوقود ويوفر مليارات الدولارات، أما بقى لو فصل إشحنه من محطة رياح جبل الزيت لتوليد الكهرباء، أو حتى من محطة الطاقة الشمسية فى أسوان أو قناطر أسيوط لإنتاج الكهرباء المتجددة وتوزيع المياه على محافظات مصر، ولو فاض بيه من عندنا وغرضه يروح البر التانى ركبه الفرقاطة المصرية فى ترسانة الإسكندرية البحرية، وقوله ما يخفش من الغرق لا صيف ولا شتا عشان إحنا عندنا أكبر سدود الإعاقة بالغردقة لحمايتنا من السيول، وإذا إتخنق من بَرّك وبحرك ركّبه القمر الصناعى المصرى إيجيبت سات A لخدمة أغراض البحث العلمى والاستشعار عن بعد والتنمية، ولو ناقصه علام علمه فى المدارس اليابانى، ولو مش عارف قيمة بلده وتاريخها فَرجّه ع المتحف المصرى الكبير، ولما يطرح عليك تكلفة تعديلات استراحة المعمورة أم 25 مليون ولا فندق ترينف أبو 2 مليار رد على سؤاله بسؤال، وإلعب معاه نفس الجيم، وقوله ويا ترى كل هذه الطرق والمجمعات والمصانع والمعامل والمزارع والموانى والمدارس والمستشفيات والأسواق والمحطات اللى هى لخدمة أهل مصر اتكلفت كام؟ وإذا زَوّغ منك بسؤال أصيع، وقال: طب يا سيدى هى القصور دى هتفيد الفقرا بإيه؟ خليك أصيع منه وقوله هذه البنايات واجهة مصر لاستقبال رؤساء وملوك البلاد الشقيقة وهى على اسم مصر، وحق انتفاع لكل رئيس وليست ملكية خاصة يعنى مش هيحطها فى جيبه وهو ماشى. وإذا أنهى كلامه معاك وقالك: ثورة الجياع قادمة. قوله: مافيش جعان فاضى يخطط لثورة، ثورة الجياع دى يخطط ليها الشبعانين ويشارك فيها الطمعانين والمتآمرين ويدفع ثمنها الغلابة. مقالات متعلقة تحت النظر وفوق البصر..! مصر التى مش فى خاطركم var _c = new Date().getTime(); document.write('